04

 എന്താ അമ്മ്യേ ഇങ്ങനെ കെടക്കണെ. എണീറ്റ് രണ്ട് റൗണ്ട് അരച്ചൂടെ.

ഓ.. അതൊക്കെ ഒരു കാലം.

നിന്റച്ഛമ്മ എന്നെ കൊറേ അരച്ചു, പിന്നെ ഓമന കാർത്തു വേശു.. നിന്റമ്മീം കൊറരച്ചു. ഇയ്ക്ക് അതൊക്കെ മതി.

നിന്റെ ഓളോടൊന്നു പറഞ്ഞേ എന്നൊന്ന് അരക്കാൻ. അവ്ള് നിന്നെരയ്ക്കും. 

എന്താ അമ്മീം അമ്മിക്കുട്ടീം രണ്ടോടത്ത് കെടക്കണെ? 

ഓ ആര്ക്കും വേണ്ടാത്ത കാലത്ത് എവടെ കെടന്നാലെന്താ! അപ്രത്തെ ഒരലിനെ ഒന്ന് നോക്ക്യേ... ഒലക്ക എവിടിനിന്ന് ദൈവത്തിനും കൂടി അറീല. 

അല്ലാ നീയിപ്പെവിട്യാ കെടപ്പ്?. 

ഇന്റെ മുറീല്. 

അമ്മ്യോ? 

അമ്മേടെ മുറീല്. 

ആ... പിന്ന്യാ എന്റെ കാര്യം ചോയിക്കാൻ നടക്ക്ണ്. പോയി തരത്തിന് കളിക്ക് ചെക്കാ..